ដំណើរកំសាន្តតាមទន្លេ និងមើលថ្ងៃលិចដោយជិះកាណូតតាមដងទន្លេ មានការងាយស្រួលរៀបចំទេ​​​ ហើយផ្តល់ ជូន នូវទិដ្ឋភាពគួរអោយចាប់អារម្មណ៍ម្យ៉ាងពីទីក្រុង។​ ដំណើរកំសាន្តដោយជិះ កាណូតម្តងធម្មតាត្រូវចំណាយ ពេល ១-២ ម៉ោង​ ហើយជិះឡើងទៅទន្លេសាប តាមតំបន់មាត់ទន្លេ ចំណុចកណ្តាល ដោយនាំមកនូវផ្ទាំង ទេសភាពដ៏វិចិត្រ នៃព្រះបរមរាជវាំង សារមន្ទីរជាតិ​ សួន និង រាងអគារខ្ពស់ៗនៅភ្នំពេញ​​ ហើយក៏កាត់ទន្លេសាប​ និងឡើងទៅទន្លេមេគង្គ ដើម្បីគយគន់ ភូមិ​នេសាទ​បណ្តែតទឹក។

កាណូតទេសចរណ៍មានតាមទំហំនិងគុណភាពផ្សេងៗគ្នា រង់ចាំតាមមាត់ ទន្លេ ទីតាំងចំណតនៅទល់មុខ​ក្រុមប្រឹក្សាអភិវឌ្ឍន៍កម្ពុជា(CDC)ខាងកើតវត្តភ្នំ ។ ពីម៉ោង​ប្រហែល៨:០០ ដល់១៧.៣០ លោកអ្នកអាចជិះ កាណូតកំសាន្តមើលថ្ងៃលិចបាន ដោយអស់​$៤-$៥ ម្នាក់ លើកាណូតទេសចរណ៍រួមគ្នា។